KING BOLOLA – ն հեղինակային քարտային խաղ է։
Հեղինակ - Ռուբեն Ջաղինյան
«Բոլոլա» տերմինը բառացիորեն կարող է թարգմանվել որպես քաոս, իրարանցում, խառնաշփոթ...
Թերևս, իսկական խաղացողների հակումն այս խաղի նկատմամբ կարելի է բացատրել նրանով, որ սկզբում իր կոմբինացիաների հարստությամբ քաոսայնության զգացում առաջացնող խաղն իրականում ճշգրիտ մաթեմատիկական մոդել է՝ հստակ սահմանված կանոններով, նրբություններով և հաշվարկման համակարգով։
- Այսպիսով, «King Bolola» խաղը կարգավորվա՛ծ քաոս է։
Ինչո՞ւ KING BOLOLA։
Ինչո՞ւ արժե ընտրել հենց այս խաղը։
Դուք թղթախաղերի երկրպագու եք և փնտրում եք նոր, դինամիկ, ազարտով լի, գրավիչ խաղ։
KING BOLOLA-ն հետաքրքիր է ինչպես «սկսնակների», այնպես էլ պրոֆեսիոնալների համար: Առաջիններին բավարար է ամենապարզ թղթախաղերը խաղալու գիտելիքներն ու փորձը, երկրորդներին՝ գիտելիքներ և փորձ՝ այս խաղի նրբությունն ու «բացառիկությունը» գնահատելու համար:
KING BOLOLA – սա հիանալի ինտելեկտուալ մարզանք է: Զարգացրե՛ք ձեր մտքի ճկունությունը, ռազմավարական մտածողությունը, տրամաբանությունը, սրեք մաթեմատիկական ինտուիցիան: Եվ դուք բազմիցս կհամոզվեք, որ այս խաղի միջոցով զարգացած հմտությունները կիրառելի են իրական կյանքի տարբեր ասպեկտներում՝ սկսած ռեսուրսների կառավարումից մինչև որոշումների արագ կայացում։ Ձեռք բերված ճանաչողական ճկունությունը անգնահատելի կլինի ցանկացած իրավիճակում:
նկարագրություն
Խաղի նկարագրություն
- Սահմանումներ․
- King Bolola - 24 պարտիայից կազմված թղթախաղ, որն ընդհանուր առմամբ կոչվում է ՏՈՒՐ տերմինով։ Խաղացվում է 52 խաղաքարտից բաղկացած կապուկով։
- Իր հերթին ՊԱՐՏԻԱ կոչվում է խաղարկումը, որն ընթանում է ստորև նկարագրված որոշակի կանոնների համաձայն։
- ԲԱՇԽՈՒՄ․ սա այն գործընթացն է, երբ խաղացողներին բաժանվում են որոշ քանակով խաղաքարտեր՝ տվյալ պարտիան խաղարկելու համար։
- ԽԱՂԱՐԿՈՂ ԽԱՂԱՑՈՂ․ Խաղացող, որին իրավունք տրված է տվյալ բաշխման համար կատարելու պարտիայի ընտրությունը (պատվեր) և առաջին քայլը։
- Հիմնական դրույթներ.
- Մրցախաղը (Տուրը) խաղարկում են 4 Խաղացող:
- Յուրաքանչյուր Խաղացող ստանում է 13 խաղաքարտ և ամբողջ Տուրի ընթացքում խաղում է միայն իր համար:
- Քարտերի ավագությունը բոլոր պարտիաներում որոշվում է աճման կարգով (երկուսնոցը՝ ամենափոքրը, տուզը՝ ամենամեծը):
- Յուրաքանչյուր խաղացող Տուրի ընթացքում պետք է կատարի 6 պարտիայի պատվեր․
- 3 մինուսային
- 2 պլյուսային
- 1 պարտիա Bolola (մինուսային կամ պլյուսային)
- Խաղի նպատակն է արդյունքում ունենալ այնքան միավոր, որով կապահովվի հնարավոր առավելագույն դրական
հաշվեկշիռը։ Խաղը համարվում է․
- շահած՝ դրական հաշվեկշիռ ունեցող Խաղացողի համար,
- չտարված՝ զրոյական հաշվեկշիռ ունեցող Խաղացողի համար,
- տարված՝ բացասական հաշվեկշիռ ունեցող Խաղացողի համար։
- Խաղի Տուրը բաղկացած է մինուսային և պլյուսային պարտիաներից:
- Մինուսային պարտիաների խաղարկման ժամանակ պետք է աշխատել չվերցնել այն առքերը, որոնցում կան պարտիայի նկարագրության մեջ նշված համապատասխան քարտերը, քանի որ յուրաքանչյուր այդպիսի առք գնահատվում է համապատասխան քանակի միավորներով՝ «-» նշանով:
- Պլյուսային պարտիաների խաղարկման ժամանակ պետք է աշխատել վերցնել առավելագույն քանակությամբ առքեր. հավաքված միավորների քանակը հաշվվում է «+» նշանով:
- Մինուսային պարտիաներ և դրանց քանակը Տուրում
- Առքեր չվերցնել – 2 պարտիա
- Վալետներ և Թագավորներ չվերցնել – 2 պարտիա
- Թագուհիներ չվերցնել – 2 պարտիա
- Սրտեր չվերցնել – 2 պարտիա
- 2 վերջինները (առքերը) չվերցնել – 2 պարտիա
- Քինգ չվերցնել – 2 պարտիա
- Բոլոլա մինուսային – 2 պարտիա
- Պլյուսային պարտիաներ և դրանց քանակը Տուրում
- Հաղթաթղթեր - 8 պարտիա
- Բոլոլա պլյուսային – 2 պարտիա
- Խաղացողի կողմից ընտրված պարտիան տվյալ բաշխման ժամանակ առավել անհասանելի է դառնում այլ խաղացողների
կողմից դրանք հետագայում ընտրվելու համար: Իր հերթին Խաղացողը կարող է ընտրել տվյալ բաշխման համար
հասանելի պարտիաներից միայն մեկը:
- Միևնույն պարտիայի ընտրությունը մեկ խաղացողի կողմից թույլատրվում է։
- Խաղը սկսելու իրավունք․ Տուրի պարտիայի առաջին պատվերը կատարելու իրավունքը և առաջին քայլը պատկանում է տվյալ քառյակում ամենաբարձր վարկանիշ ունեցող Խաղացողին: Վարկանիշների հավասարության դեպքում առաջինը որոշվում է այբբենական կարգով:
- Հերթական քայլի իրավունքը ստանում է նախորդ բաշխման ժամանակ առք վերցրած Խաղացողը։
- Յուրաքանչյուր պարտիայի խաղարկման ավարտին կատարվում է միավորների համապատասխան հաշվարկ և այդ արդյունքը գումարվում է յուրաքանչյուր Խաղացողի՝ նախորդ պարտիաների արդյունքների հանրագումարին:
- Յուրաքանչյուր հաջորդ պարտիայի խաղարկումը (պատվեր և առաջին քայլ) սկսում է այն Խաղացողը, ով նստած է նախորդ խաղարկումը կատարողից հետո (ժամսլաքի ուղղությամբ):
- Խաղի Տուրը համարվում է ավարտված 24 պարտիաների խաղարկումից հետո։
- Յուրաքանչյուր պարտիայի խաղարկումն ավարտված է համարվում այն պահին, երբ կատարված են դրա
պայմանները․
- Առքեր չվերցնել – երբ խաղարկված են բոլոր 13 բաշխումները
- Թագավորներ և Վալետներ չվերցնել – այն պահին, երբ խաղարկված են բոլոր 4 Թագավորը և 4 Վալետը
- Թագուհիներ չվերցնել - այն պահին, երբ խաղարկված են 4 Թագուհիները
- Սրտեր չվերցնել - այն պահին, երբ խաղարկված են բոլոր 13 սրտերըч
- 2 վերջինները (առքերը) չվերցնել - երբ խաղարկված են բոլոր 13 բաշխումները
- Քինգ չվերցնել - այն պահին, երբ խաղարկված է Քինգը
- Բոլոլա մինուսային - երբ խաղարկված են բոլոր 13 բաշխումները
- ԱՌԱՋԱԴԵՄ ՄԱԿԱՐԴԱԿՆԵՐ XP
- Համակարգը յուրաքանչյուր Խաղացողի շնորհում է քանակական ցուցանիշ՝ Մակարդակ: Հաշվարկվում է՝ կախված խաղացված խաղերի քանակից և տվյալ խաղարկման ժամանակ սեղանի շուրջը զբաղեցրած տեղից: Որոշակի մակարդակի հասնելու դեպքում Խաղացողի համար «բացվում է» ևս մեկ սենյակ և խաղի համար նրան հասանելի են դառնում Lobby և Lux սենյակները։
- ՎԱՐԿԱՆԻՇԱՅԻՆ ՀԱՄԱԿԱՐԳ
- Համակարգը յուրաքանչյուր խաղացողի շնորհում է որակական ցուցանիշ՝ Վարկանիշ: Հաշվարկվում է ELO համակարգով՝ հարմարեցված չորս խաղացողի համար: Որոշակի վարկանիշի հասնելու դեպքում Խաղացողը հնարավորություն է ստանում խաղալու ուժեղագույն խաղացողների հետ։ Ավելի բարձր վարկանիշ ունեցող խաղացողին հաղթելը բարձրացնում է Խաղացողի վարկանիշը առավել շատ միավորներով, քան ավելի ցածր վարկանիշ ունեցող խաղացողին հաղթելը:
- ՄՐՑԱԿՑԱԿԱՆ ԼԻԳԱՆԵՐ
- Վարկանիշի որոշակի արժեքների հասնելու դեպքում Խաղացողը ստանում է պատկանելություն Լիգային (Բրոնզե, Արծաթե կամ Ոսկե) և նրա համար «բացվում են» այն սենյակները, որտեղ խաղում են ուժեղագույն Խաղացողները և բարձրացվում են խաղադրույքները:
- ԱՄԵՆՕՐՅԱ ԲՈՆՈՒՍՆԵՐ
- Սրանք տրամադրվում են Խաղացողին շաբաթվա ընթացքում շարունակական և ամենօրյա այցելության դեպքում: Բոնուսի չափն ամեն օր ավելանում է, երբ շաբաթն ավարտվում է՝ գործընթացը զրոյանում է և սկսվում է նոր հաշվարկ:
- ՅՈՒՐՕՐԻՆԱԿ ՁԱՅՆԱՅԻՆ ԴԻԶԱՅՆ
- Յուրաքանչյուր խաղ, յուրաքանչյուր հաղթանակ ուղեկցվում է հատուկ ձայնագրված ձայնային էֆեկտներով՝ ձեզ ընկղմելով իրական թղթախաղին հատուկ մթնոլորտում:
- ՀԵՇՏ ՄԻԱՑՈՒՄ FACEBOOK-Ի ՄԻՋՈՑՈՎ
- Միացեք King Bolola խաղին՝ օգտագործելով Facebook-ի ներկառուցված մուտքի հնարավորությունը: Շփվեք ընկերների հետ, տոնեք հաղթանակները և լուծեք բարդ մարտահրավերները՝ ապահովելով ձեր խաղային սեսիաների արագ մեկնարկը:
ԿԱՆՈՆՆԵՐ
ՊԱՐՏԻԱՆԵՐԻ ԽԱՂԱՐԿՄԱՆ ԿԱՆՈՆՆԵՐ
Տեսանյութեր
Վիդեո Ուղեցույցներ
Հետադարձ կապ
Կապ մեզ հետ.
Հասցե՝
221 W 9th St, Wilmington, DE 19801